چیمپئن ٹرافی 2025 کا ممکنہ شیڈول سامنے آگیا، پاکستان اور بھارت کے درمیان میچ نیوٹرل وینیو پر کھیلا جائے گا۔

آئی سی سی چیمپئنز ٹرافی کے نیوٹرل وینیو سے متعلق تمام اسٹیک ہولڈرز میں معاملات تقریباً طے پا گئے ہیں۔ ممکنہ طور پر دبئی ہی نیوٹرل وینیو ہو گا، جس کا باضابطہ اعلان بہت جلد کر دیا جائے گا۔

لاہور(نیوز ڈیسک) پاکستان میں 2025 ہونے والی آئی سی سی چیمپئنز ٹرافی کا ممکنہ شیڈول سامنے آگیا۔ تفصیلات کے مطابق ایونٹ کا پہلا میچ 19 فروری کو پاکستان اور نیوزی لینڈ کے درمیان کراچی میں ہو گا جبکہ پاکستان اور بھارت کے درمیان مقابلہ 23 فروری کو نیوٹرل وینیو پر ہوگا۔ ایونٹ کے آغاز سے قبل چھ دن کا سپورٹ پریڈ رکھا گیا ہے، اس سپورٹ پریڈ میں ٹیموں کی آمد اور پریکٹس سیشن وغیرہ شامل ہے۔ ذرائع کا بتانا ہے کہ یہ سپورٹ پریڈ 12 سے 18 فروری تک ہو سکتا ہے۔ ذرائع سے یہ بات سامنے آئی ہے کہ آئی سی سی چیمپئنز ٹرافی کے نیوٹرل وینیو سے متعلق تمام اسٹیک ہولڈرز میں معاملات تقریباً طے پا گئے ہیں۔ ممکنہ طور پر دبئی ہی نیوٹرل وینیو ہو گا، جس کا باضابطہ اعلان بہت جلد کر دیا جائے گا۔