سری لنکا اور نیوزی لینڈ کے میچ کے دوران منفرد ریکارڈ، سری لنکن باؤلر کی سال 2025 کی پہلی ہیٹرک

سپن باؤلر نے 35ویں اوور کی آخری 2گیندوں پر نیوزی لینڈ کے کپتان مچل سینٹنر اور ناتھن سمتھ کو آؤٹ کیا اور پھر 37 ویں اوور کی پہلی گیند پر میٹ ہنری کو آؤٹ کرکے ہیٹرک مکمل کی۔

ہیملٹن(نیوز ڈیسک) سری لنکن آف سپن باؤلر مہیش تیکشانا نے نیوزی لینڈ کے خلاف دوسرے ون ڈے میں ہیٹ ٹرک کر کے 2025 میں پہلی ہیٹ ٹرک کرنے کا منفرد اعزاز حاصل کر لیا ہے۔ تفصیلات کے مطابق سری لنکن کرکٹ ٹیم ان دنوں نیوزی لینڈ کے دورے پر ہے، جہاں بدھ کو دونوں ٹیموں کے درمیان 3 میچز کی سیریز کا دوسرا ون ڈے کھیلا گیا تھا۔بارش سے متاثرہ اس میچ کو 37 اوور فی اننگز تک محدود کر دیا گیا تھا، جس میں نیوزی لینڈ نے سری لنکا کی دعوت پر پہلے بیٹنگ کرتے ہوئے 9 وکٹوں پر 255 رنز بنائے تھے۔ سری لنکن آف سپنر مہیش تیکشانا نے نیوزی لینڈ کے خلاف دوسرے ون ڈے میں شاندار باؤلنگ کرتے ہوئے 4 وکٹیں حاصل کیں، جس میں ایک ہیٹ ٹرک بھی شامل تھی۔ سپن باؤلر نے 35ویں اوور کی آخری 2گیندوں پر نیوزی لینڈ کے کپتان مچل سینٹنر اور ناتھن سمتھ کو آؤٹ کیا اور پھر 37 ویں اوور کی پہلی گیند پر میٹ ہنری کو آؤٹ کرکے ہیٹرک مکمل کی۔