چیمپئینز ٹرافی میں نوجوان کھلاڑیوں کی جگہ ایک مرتبہ پھر پُرانے کھلاڑیوں کی ٹیم میں واپسی متوقع

نیشنل بینک اسٹیڈیم کراچی اور راولپنڈی کرکٹ اسٹیڈیم 3، 3 گروپ میچوں کی میزبانی کریں گے۔ قذافی اسٹیڈیم لاہور کم از کم 4 میچوں کی میزبانی کرے گا۔

لاہور(نیوز ڈیسک) چیمپئینز ٹرافی 2025 کیلئے پاکستانی اسکواڈ میں ایک مرتبہ پھر پُرانے کھلاڑیوں کی ٹیم میں واپسی متوقع ہے۔ تفصیلات کے مطابق آئی سی سی چیمپئینز ٹرافی کے اسکواڈ میں ایک ہی وکٹ کیپر کپتان محمد رضوان ہوں گے، جبکہ جارح مزاج اوپنر فخر زمان کی واپسی کا بھی امکان ہے۔ نوجوان اوپنر صائم ایوب کے ساتھ 2023 میں آخری بار ون ڈے ورلڈکپ کھیلنے والے امام الحق کو واپس لائے جانے کا امکان بھی موجود ہے۔ نوجوان ال راؤنڈر عرفان کی جگہ شاداب خان کو ٹیم میں شامل کئے جانے کا امکان ہے۔ واضح رہے کہ چیمپئن ٹرافی کا افتتاحی میچ 19 فروری کو پاکستان اور نیوزی لینڈ کے درمیان کراچی میں کھیلا جائے گا۔