وزیر اعلی خیبر پختونخوا علی امین خان گنڈاپور سے ون مین کمیشن آن مائنارٹی رائٹس کے چئیرمین شعیب سڈل کی ملاقات۔ ملاقات میں صوبے میں مذہبی اقلیتوں کے حقوق سے متعلق معاملات پر گفتگو

صوبے کی تعمیر و ترقی اور یہاں بین المذاہب ہم آہنگی میں اقلیتوں کا اہم کردار رہا۔ صوبائی حکومت اقلیتوں کے اس کردار کو قدر کی نگاہ سے دیکھتی ہے۔ صوبے میں بسنے والی اقلیتوں کی فلاح و بہبود اور ان کے حقوق کے تحفظ کے لئے ہر ممکن اقدامات اُٹھائے جائیں گے۔ وزیر اعلیٰ کے پی کے

پشاور (ویب ڈیسک) وزیر اعلی خیبر پختونخوا علی امین خان گنڈاپور سے ون مین کمیشن آن مائنارٹی رائٹس کے چئیرمین شعیب سڈل کی ملاقات۔ ملاقات میں صوبے میں مذہبی اقلیتوں کے حقوق سے متعلق معاملات پر گفتگو تفصیلات کے مطابق ون مین کمیشن آن منیارٹی رائٹس شعیب سڈل نے وزیر اعلیٰ کے پی کے علی امین گنڈا پور سے ملاقات کی ہے۔ سیکرٹری اوقاف و مذہبی امور خیبر پختونخوا اور دیگر متعلقہ حکام بھی ملاقات میں موجود تھے۔ ملاقات میں اقلیتوں کے حقوق کے متعلق گفتگو کی گئی۔ وزیر اعلی نے صوبے میں بسنے والی اقلیتوں کی فلاح و بہبود کے لیے اہم اعلانات کیے۔ وزیر اعلیٰ نے اقلیتی کمیونٹی کے بچوں کو صوبائی حکومت کے سروس ٹریننگ انسٹیٹیوٹ میں خصوصی ٹریننگ دینے کا اعلان کا اعلان کیا۔ اس ٹریننگ سے اقلیتی کمیونٹی کے بچوں کو مقابلوں کے امتحانات کی تیاری میں مدد ملے گی۔ وزیر اعلی نے اقلیتی کمیونٹی کے طلبہ کو 100 ملین روپے کے خصوصی سکالر شپس دینے کا بھی اعلان کیا۔ وزیر اعلی نے صوبے میں قائم اقلیتوں کی عبادت گاہوں کو سولر سسٹم فراہم کرنے کا بھی اعلان کیا۔
وزیر اعلی نے پولیس حکام کو اقلیتی رہنماؤں کی سکیورٹی کے لئے خصوصی فورس تشکیل دینے کی ہدایت کی۔ وزیر اعلی نے اقلیتوں کی عبادت گاہوں کو بھی فول پروف سکیورٹی فراہم کرنے کی ہدایت دی۔ وزیر اعلی نے متعلقہ حکام کو سرکاری ملازمتوں میں اقلیتوں کے لئے مختص پانج فیصد کوٹے پر عملدرآمد یقینی بنانے کی بھی ہدایت کی۔ وزیر اعلی نے تعلیمی اداروں میں داخلوں کے لئے مختص دو فیصد کوٹے پر بھی عملدرآمد یقینی بنانے کی ہدایات جاری کیں۔
وزیراعلی علی امین گنڈا پور کا کہنا ہے کہ صوبے میں بسنے والی اقلیتوں کے حقوق کا تحفظ اور ان کی فلاح و بہبود صوبائی حکومت کے ایجنڈے کا اہم حصہ ہے۔ موجودہ صوبائی حکومت اس سلسلے میں ترجیحی بنیادوں پر اقدامات اٹھا رہی ہے۔ اقلیتوں کے حقوق کا تحفظ اور انہیں تمام شعبوں میں یکساں مواقع کی فراہمی پی ٹی آئی کے منشور کا حصہ ہے۔ صوبے کی تعمیر و ترقی اور یہاں بین المذاہب ہم آہنگی میں اقلیتوں کا اہم کردار رہا ہے۔ صوبائی حکومت اقلیتوں کے اس کردار کو قدر کی نگاہ سے دیکھتی ہے۔ صوبے میں بسنے والی اقلیتوں کی فلاح و بہبود اور ان کے حقوق کے تحفظ کے لئے ہر ممکن اقدامات اُٹھائے جائیں گے۔