وزیر اعلیٰ پنجاب مریم نواز شریف کا ٹریفک حادثات میں انسانی جانوں کے ضیاع پر اظہار افسوس

وزیر اعلیٰ پنجاب نے زخمیوں کی جلد صحت یابی کیلئے دعا کی ہے۔ اور زخمیوں کو بہترین طبی سہولتیں فراہم کرنے کی ہدایت بھی کی ہے۔

لاہور (ویب ڈیسک) وزیر اعلیٰ پنجاب مریم نواز شریف کا مختلف ٹریفک حادثات میں انسانی جانوں کے ضیاع پر اظہار افسوس۔ تفصیلات کے مطابق وزیر اعلیٰ پنجاب مریم نواز شریف نے نوشہرو فیروز میں ٹریلر اور وین کے تصادم کے باعث 5 قیمتی انسانی جانوں کے ضیاع پر گہرے دکھ و رنج کا اظہار کیا ہے۔
وزیر اعلیٰ پنجاب مریم نواز شریف نے اٹک فتح جنگ انٹرچینج کے قریب بس الٹنے سے 10 قیمتی انسانی جانوں کے ضیاع پر بھی گہرے دکھ و رنج کا اظہار کیا ہے۔
وزیراعلیٰ مریم نواز شریف نے دونوں حادثات میں مرنے والے افراد کے سوگوار خاندانوں سے ہمدردی و تعزیت کا اظہار کیا ہے۔ انہوں نے زخمیوں کی جلد صحت یابی کیلئے دعا کی ہے۔ اور زخمیوں کو بہترین طبی سہولتیں فراہم کرنے کی ہدایت بھی کی ہے۔