جمیعت علماء اسلام کے وفد کی نوڈیرو ہاؤس میں صدر مملکت آصف علی زرداری اور چیئرمین بلاول بھٹو زرداری سے ملاقات۔ ملکی سیاسی صورتحال سمیت مختلف امور پر تبادلہ خیال

علامہ راشد محمو سومرو نے اپنے شھید والد کے قاتلوں کی گرفتاری میں سندھ حکومت و سندھ پولیس کے کردار کو سراہا

لاڑکانہ (نمائندہ خصوصی) جمیعت علماء اسلام کے وفد کی نوڈیرو ہاؤس میں صدر مملکت آصف علی زرداری اور چیئرمین بلاول بھٹو زرداری سے ملاقات۔ ملکی سیاسی صورتحال سمیت مختلف امور پر تبادلہ خیال۔ تفصیلات کے مطابق جمعیت علماء اسلام صوبہ سندھ کے سیکرٹری جنرل علامہ راشد محمود سومرو نے وفد کے ہمراہ نو ڈیرو ہاؤس لاڑکانہ میں صدر پاکستان جناب آصف علی زرداری اور چیئرمین پاکستان پیپلزپارٹی جناب بلاول بھٹو زرداری کے ساتھ ملاقات کی ہے۔ ملاقات میں مدارس بل، سندہ کے امن امان اور دیگر ملکی، علاقائی ، سیاسی صورتحال پر تفصیلی گفتگو ہوئی۔ ملاقات میں جمعیت علماء اسلام ضلع لاڑکانہ کے امیر مولانا ناصر محمود سومرو، پاکستان پیپلزپارٹی خواتین ونگ کی صدر محترمہ فریال تالپر بھی موجود تھی۔
صدر پاکستان آصف علی زرداری اور بلاول بھٹو زرداری نے مدارس بل پر حضرت مولانا فضل الرحمن صاحب کے خدشات کو فوری ختم کرنے اور ان سے کئے گئے وعدہ کے مطابق مدارس کے رجسٹریشن بل کا معاملہ جلد از جلد حل ہونے کے عزم کا اظہار کیا۔ مولانا راشد محمود سومرو نے سندہ کی امن امان کی صورتحال پر اپنی تشویش کا اظہار کیا اور عوام کی جان ، مال عزت و آبرو کے تحفظ کو یقینی بنانے پر زور دیا جس پر بلاول بھٹو زرداری صاحب نے فوری اقدامات اٹھانے، سندھ حکومت اور سندھ پولیس کو امن امان کے قیام کے لئے ہر ممکن قدم اٹھانے کی فوری ہدایات جاری کیں۔ ملاقات میں لاڑکانہ سے ایم پی اے جناب جمیل احمد سومرو، ایم پی اے سھیل انور خان سیال، مولانا طاھر محمود سومرو، مولانا طارق محمود سومرو، عطاء الرحمن سومرو اور ڈاکٹر شفیق الرحمن سومرو بھی موجود تھے۔ ملاقات مین شھید ڈاکٹر خالد محمود سومرو کے قاتلوں کو سزا ملنے پر صدر پاکستان جناب آصف علی زرداری صاحب نے انکے فرزندگان کو مبارکباد پیش کی اور تمام ورثاء کے صبر پر انکو خراج تحسین پیش کیا۔ علامہ راشد محمو سومرو نے اپنے شھید والد کے قاتلوں کی گرفتاری میں سندھ حکومت و سندھ پولیس کے کردار کو سراہا۔ مولانا ناصر محمود سومرو صاحب اور انکے برادران کی طرف سے صدر مملکت جناب آصف علی زرداری، بلاول بھٹو زرداری، محترمہ فریال تالپر کو اپنے چھوٹے بھائی ڈاکٹر شفیق الرحمان سومرو کی دعوت ولیمہ میں شرکت کی دعوت بھی دی گئی۔