امریکہ سے آئے سکھوں کے وفد کی ننکانہ صاحب آمد، بابا گورو نانک کی جاٸے پیدائش گوردوارہ جنم استھان ننکانہ صاحب پر حاضری دی اور مذہبی رسومات ادا کیں۔

ننکانہ صاحب ( ویب ڈیسک) امریکہ سے آئے سکھوں کے وفد کی ننکانہ صاحب آمد، بابا گورو نانک کی جاٸے پیدائش گوردوارہ جنم استھان ننکانہ صاحب پر حاضری دی اور مذہبی رسومات ادا کیں۔ تفصیلات کے مطابق پنجابی سوساٸٹی آف امریکہ کے 134 رکنی سکھ یاتریوں کے وفد نے جتھہ لیڈر سردار گیری سکا کی قیادت میں بابا گورونانک کی جاٸے ییدائش گوردوارہ جنم استھان ننکانہ صاحب کا دورہ کیا اور وہاں اپنی مذہبی رسومات ادا کیں, امریکہ سے آٸے سکھ یاتریوں کا گوردوارہ جنم استھان پہنچنے پر مقامی سکھ رہنماٶں اور بابا گورونانک کے قریبی مسلمان ساتھی راٸے بلار بھٹی فیملی کے راٸے بلال اکرم بھٹی کی طرف سے شاندار استقبال کیا گیا, اپنے روحانی پیشوا کی جاٸے پیداٸش پہنچنے پر سکھ یاتری بہت زیادہ خوش دکھاٸی دٸیے, سکھ یاتریوں نے بابا گورونانک کی جاٸے پیداٸش پر متھاٹیکی اور ارداس سمیت دیگر مذہبی رسومات ادا کیں انہوں نے دورہ پاکستان کے لٸے بہترین انتظامات اور شاندار مہمان نوازی پر حکومت پاکستان اور راٸے بلال اکرم بھٹی کا شکریہ ادا کیا, سکھ یاتریوں کا کہنا ہے کہ پاکستان آکر دلی خوشی ہوٸی ہے جسے الفاظ میں بیان نہیں کیا جا سکتا, حکومت پاکستان کی طرف سے سکھ یاتریوں کے لٸے آسان ترین طریقے سے فری آن لاٸن ویزہ پالیسی ایک اور بڑا تحفہ ہے جس سے سکھ یاتریوں کا پاکستان آنے کا خواب پورا ہونے میں بہت آسانی ہوگی۔