وزیر اعلیٰ پنجاب مریم نواز شریف کا لاہور کے سب سے بڑے چرچ ہاؤس آف پرئیر میں کرسمس کی تقریب سے خطاب

جب مجھے پتہ چلا کہ کرسمس تقریب میں 10 ہزار لوگ ہیں تو میں 10ہزار کیک لائی ہوں۔ کرسمس کے 10 ہزار کیک مریم نوازشریف کی محبت کا ایک چھوٹا سا نذرانہ ہے۔

لاہور ( ویب ڈیسک) وزیر اعلیٰ پنجاب مریم نواز شریف کا لاہور کے سب سے بڑے چرچ ہاؤس آف پرئیر میں کرسمس کی تقریب سے خطاب۔ مسیحی برادری کا شکریہ اداکرتی ہوں کہ انہوں نے مجھے اپنی خوشیوں میں شامل کیا- رات کو وزٹ سے اجتناب کرتی ہوں لیکن مسیحی برادری کی خوشیوں میں شرکت کے لئے خصوصی طورپر آئی ہوں۔ کرسمس کی رنگا رنگ تقریب اور اعلی پرفارمنس سے بہت محظوظ ہوئی،بہت انجوائے کیا۔
مسیحی برادری جس توجہ سے دعائیں کررہے تھے دیکھ کر بہت خوشی ہوئی، اللہ تعالی آپ کی ساری دعائیں ضرور سنے گا۔ میں نے 11سال کانمنٹ آف جیزز اینڈ میری میں تعلیم حاصل کی،ننز، سسٹرزاور فادرز کے درمیان تربیت حاصل کی۔ کرسمس کی تقریب میں مجھے کانمنٹ آف جیزز اینڈ میری کا زمانہ طالب علمی یاد آگیا۔ کانمنٹ آف جیزز اینڈ میری میں ہر سال کرسمس تقریب ہوتی تو کرسمس کوئر پیش کرنے کیلئے فرنٹ لائن میں کھڑی ہوتی تھی- کرسمس کی تقریب میں موجود بچیاں، بچے سب خوبصورت لگ رہے ہیں۔ خوشی ہے ایسا پنجاب بن رہا ہے،جہاں پر ہم عید بھی مناتے ہیں، کرسمس بھی، ایسٹر، دیوالی سمیت تمام تہوار مناتے ہیں۔ پنجاب میں گرونانک کا دن بھی منایا جاتا ہے، بیساکھی اور ہولی بھی منائی جاتی ہے۔ ھر سے آتے ہوئے محمد نوازشریف نے مسیحی برادری کو کرسمس کی مبارکباد دینے کا پیغام دیا-
محمد نوازشریف نے مجھے سکھایا ہے کہ قرآن پاک کی پہلی آیت ہے الحمد للہ رب العالمین، تمام تعریفیں اس رب کے لئے جو تمام جہانوں کا مالک ہے، صرف مسلمانوں کا مالک نہیں ہے۔ محمد نوازشریف اکثر کہتے ہیں کہ منیارٹی کا لفظ استعمال نہ کیا کرو، اقلیتیں ہم سے بھی زیادہ پاکستانی ہیں۔ ایسٹر کی تقریب میں مریم آباد گئی، مسیحی برادری کو مبارکباد دینے گھر وں میں گئی،بہت محبت اوراحترام سے انہوں نے میرا استقبال کیا- مریم آباد کی مسیحی ماؤں او ربہنو ں نے گلے لگا کر پیار دیا، گھر بٹھا یا، کھانا پینا بھی دیا۔ مسیحی برادری نے بتایا کہ مریم آباد چرچ میں ایسٹر منانے کے لئے چیف منسٹر 120 سال بعد آیا ہے۔ میری تمام تر توجہ اقلیتی برادری کے لئے بہتر پاکستان اور بہتر پنجاب بنانے پر ہے- مسیحی برادری کے لئے ایسا پنجاب بنا رہے ہیں کہ ان کو کسی قسم کا کوئی ڈر،خوف یا خطرہ لائق نہ ہو۔ مسیحی برادری کے لئے انکلیوزو سوسائٹی کے قیام پر خصوصی توجہ دے رہی ہوں۔ مسیحی برادری کی پاکستان کے لئے بہت بڑی بڑی خدمات ہیں۔ مجھے پتہ ہے کہ دل سے پاکستانی ہیں او رپاکستان سے بے پناہ محبت کرتے ہیں۔ مسیحی برادری کیلئے بجٹ 200فیصد تک بڑھا دیا ہے، میرا بس چلے تو مسیحی برادری کے بجٹ کو 5ہزار فیصد تک بڑھا دوں۔ مسیحی برادری کا بجٹ بڑھانا کسی قسم کا احسان نہیں بلکہ آپ کا حق ہے۔ پاکستان کی تاریخ میں پہلی مرتبہ منیارٹی کارڈ شروع کررہے ہیں۔ منیارٹی کارڈ سے ناداراقلیتی بہن، بھائیو ں کی گھر بیٹھے مالی معاونت کی جائے گی۔ منیارٹی کارڈ سے نادار اقلیتی بہن بھائیو ں کے گزر بسر کے لئے ہر تین ماہ بعد مالی معاونت فراہم کی جائے گی۔ منیارٹی کارڈ 2025کے شروع میں لانچ کردیا جائے گا۔قلیتی برادری کی جتنی مالی معاونت کرپائے،کریں گے تاکہ نادار اقلیتی بہن بھائی کسی کے آگے ہاتھ نہ پھیلائیں۔ ریاست ماں کی طرح ہوتی ہے۔ آپ کی وزیراعلی آپ کی ماں کی طرح ہے اور ماں اپنے بچوں میں تفریق نہیں کرتی۔ میرے دل و دماغ میں مذہب کے نام پر کوئی تفریق نہیں ہے،مسلمان، کرسچن، ہندو، سکھ او ردیگر مذاہب کے لوگ میرے سر کا تاج ہے۔ پنجاب کے عوام کی حفاظت او رترقی میری ذمہ داری ہے۔ میں آپ کی وزیراعلی ہوں اور آپ کے لئے دن رات کام کررہی ہوں۔ میرے لئے اقلیت اور اکثریت سب برابر ہیں -مریم نوازشریف
پنجاب حکومت کے ہر پراجیکٹ میں سب برادریوں کا برابر کاحصہ ہے۔ کرسمس کی تقریب میں اس لئے آئی ہو ں کہ آپ کو احساس ہو کہ میں آپ کا حصہ ہوں اور آپ میرا حصہ ہے۔ جو اقلیتی بہن بھائیوں کو تکلیف دے گا وہ مجھے تکلیف دے گا۔ اقلیتی برادری کی حفاظت کرنا ہم سب کی ذمہ داری ہے۔ میرے دفتر، دل اور گھر کے دروازے اقلیتی برادری کے لئے ہمیشہ کھلے ہیں۔ میں آپ کی خوشیوں میں برابر کی شریک ہوں۔ دعا ہے اللہ تعالی اقلیتی آبادی کو ہمیشہ شادو آباد اور خوش رکھے-
جب مجھے پتہ چلا کہ کرسمس تقریب میں 10 ہزار لوگ ہیں تو میں 10ہزار کیک لائی ہوں۔ کرسمس کے 10 ہزار کیک مریم نوازشریف کی محبت کا ایک چھوٹا سا نذرانہ ہے۔