جنوبی پنجاب کی سماجی اور معاشی ترقی میں یونیورسٹیوں کا کردار کلیدی اہمیت کا حامل ہے۔ یونیورسٹیوں کو تدریس اور تحقیق میں اعلیٰ معیار کو یقینی بنانا چاہیے۔ گورنر پنجاب

بہاولپور ( ویب ڈیسک) جنوبی پنجاب کی سماجی اور معاشی ترقی میں یونیورسٹیوں کا کردار کلیدی اہمیت کا حامل ہے۔ یونیورسٹیوں کو تدریس اور تحقیق میں اعلیٰ معیار کو یقینی بنانا چاہیے اور بہترین انسانی وسائل پیدا کرنے کے ساتھ ساتھ مقامی کمیونٹی کی ترقی اور خوشحالی کے لیے کام کرنا چاہیے۔ گورنر پنجاب سردار سلیم حیدر خان۔ اسلامیہ یونیورسٹی بہاولپور کے شعبہ تعلقات عامہ کی جانب سے جاری کیے گئے سرکاری ہیڈ آؤٹ کے مطابق گورنر پنجاب نے اسلامیہ یونیورسٹی بہاولپور اور ایم این ایس یونیورسٹی آف انجینئرنگ اینڈ ٹیکنالوجی ملتان کے وائس چانسلر پروفیسر ڈاکٹر محمد کامران سے آج گورنر ہاؤس لاہور میں ملاقات کی اور کہا کہ جامعات کو معاشی انتظام کے ساتھ طلباء کی فلاح و بہبود کے لیے بھی اقدامات کرنے چاہئیں۔ اس موقع پر وائس چانسلر نے چانسلر کو دونوں یونیورسٹیوں میں انتظامی اور مالیاتی امور پر بریفنگ دی اور انہیں کیمپسز میں جاری نصابی اور ہم نصابی سرگرمیوں کے بارے میں آگاہ کیا۔ انہوں نے کہا کہ دونوں یونیورسٹیوں میں موسم خزاں کے سمسٹر کی سرگرمیاں زور و شور سے جاری ہیں۔ اسلامیہ یونیورسٹی بہاولپور میں حال ہی میں دو بین الاقوامی کانفرنسوں کا کامیابی سے انعقاد کیا گیا جس میں نامور ملکی اور غیر ملکی مندوبین نے شرکت کی۔ گورنر پنجاب نے کوالٹی رینکنگ میں اسلامیہ یونیورسٹی کی اچھی کارکردگی کو سراہتے ہوئے امید ظاہر کی کہ یونیورسٹی میں انتظامی اور مالیاتی امور میں بہتری کا عمل درست سمت میں جاری رہے گا۔