کرم معاملے پر ایک فریق نے مشاورت کے لیے دو دن کا وقت مانگ لیا ہے۔ جرگہ ارکان نے باہمی مشاورت کے بعد دو دن کا وقت دے دیا ہے۔ مشیر اطلاعات بیرسٹر سیف

انشاءاللہ بہت جلد عوام پائیدار اور مستقل امن کے حوالے سے خوشخبری سنیں گے۔ عوام سے درخواست ہے کہ وہ کسی قسم کے منفی پروپیگنڈے کو اہمیت نہ دیں۔ بیرسٹر سیف

پشاور( ویب ڈیسک ) کرم معاملے پر ایک فریق نے مشاورت کے لیے دو دن کا وقت مانگ لیا ہے۔ جرگہ ارکان نے باہمی مشاورت کے بعد دو دن کا وقت دے دیا ہے۔ بیرسٹر سیف۔ وزیر اعلیٰ علی امین گنڈاپور کے مشیر اطلاعات بیرسٹر سیف کے مطابق کرم میں امن و امان کے حوالے سے گرینڈ جرگے میں ایک فریق نے دو دن کا وقت مانگا جسے مشاورت کے بعد دے دیا گیا۔ انکا کہنا تھا کہ کرم تنازعہ پرامن طریقے سے حل ہونے کے قریب ہے۔ پاراچنار میں مقامی رہنماؤں کو لائحہ عمل اور طریقہ کار پر اعتماد میں لیا جائے گا۔ دو دن کے وقفے کے بعد جرگہ دوبارہ شروع ہوگا۔ جرگہ کے ارکان انتہائی سنجیدگی اور ذمہ داری سے امن کے قیام کے لیے اپنے فرائض ادا کر رہے ہیں۔ ایک صدی سے زائد پرانے اس تنازعے کے حل کے لیے خیبر پختون خوا حکومت سنجیدہ اقدامات اٹھا رہی ہے۔ گرینڈ جرگے کے گزشتہ دس دنوں میں 40 سے زائد سیشن منعقد ہوئے ہیں۔ حکومت گرینڈ جرگے کو ہر قسم کی سہولیات فراہم کر رہی ہے۔ مشاورت کے لیے پاراچنار جانے والے اراکین کو ہیلی سروس فراہم کی جا رہی ہے۔ انشاءاللہ بہت جلد عوام پائیدار اور مستقل امن کے حوالے سے خوشخبری سنیں گے۔ عوام سے درخواست ہے کہ وہ کسی قسم کے منفی پروپیگنڈے کو اہمیت نہ دیں۔