ضلع کرم میں جاری کشیدگی کے خاتمے کے لئے وزیر اعلیٰ خیبر پختونخوا علی امین خان گنڈاپور کا اہم اقدام۔ وزیر اعلیٰ نے کل صوبائی ایپکس کمیٹی کا اہم اجلاس طلب کرلیا

اجلاس کو علاقے میں امن کے قیام کے لئے صوبائی حکومت کے تشکیل کردہ گرینڈ جرگے کی طرف سے اب تک کی پیشرفت سے آگاہ کیا جائے گا۔ اعلیٰ سول اور عسکری قیادت، متعلقہ اراکین صوبائی کابینہ، متعلقہ ڈویژنل اور ضلعی انتظامیہ کے حکام اجلاس میں شریک ہونگے۔

پشاور (ویب ڈیسک) ضلع کرم میں جاری کشیدگی کے خاتمے کے لئے وزیر اعلیٰ خیبر پختونخوا علی امین خان گنڈاپور کا اہم اقدام۔ وزیر اعلیٰ نے کل صوبائی ایپکس کمیٹی کا اہم اجلاس طلب کرلیا۔ صوبائی ایپکس کمیٹی کا یہ اہم اجلاس وزیر اعلیٰ کی زیر صدارت وزیر اعلیٰ سیکرٹریٹ میں منعقد ہوگا۔ اجلاس میں کرم میں امن و امان کی تازہ صورتحال، قیام امن کے لئے صوبائی حکومت کے اقدامات اور دیگر متعلقہ معاملات کا تفصیلی جائزہ لیا جائےگا۔ اجلاس میں ضلع کرم میں لوگوں کو اشیائے ضروریہ اور دیگر بنیادی سہولیات کی فراہمی اور امن کے قیام کے لئے اہم فیصلے کئے جائیں گے۔ فورم میں تمام متعلقہ شراکت داروں کی مشاورت سے علاقے میں دیرپا امن کے قیام کے لئے آئندہ کا لائحہ عمل طے کیا جائے گا۔ اجلاس کو علاقے میں امن کے قیام کے لئے صوبائی حکومت کے تشکیل کردہ گرینڈ جرگے کی طرف سے اب تک کی پیشرفت سے آگاہ کیا جائے گا۔ اعلیٰ سول اور عسکری قیادت، متعلقہ اراکین صوبائی کابینہ، متعلقہ ڈویژنل اور ضلعی انتظامیہ کے حکام اجلاس میں شریک ہونگے۔