مہنگی بجلی کا سستا علاج، وزیر اعلیٰ مریم نوازشریف کا عوام کو بجلی بلوں میں مستقل ریلیف کا وعدہ پورا۔ دس ارب روپے کی لاگت سے ایک لاکھ گھروں کو 550 اور 1100 واٹس کے مفت سولر پینل ملیں گے

زرعی ٹیوب ویل بھی بتدریج سولر انرجی پر منتقل کیا جائیگا، طلبہ کو ایک لاکھ ای بائیک دینے اور ای بسیں آنے سے روایتی ٹرانسپورٹ کلچر تبدیل ہوگا

لاہور (ویب ڈیسک) مہنگی بجلی کا سستا علاج۔ وزیر اعلیٰ مریم نوازشریف نے عوام کو بجلی بلوں سے مستقل ریلیف کا وعدہ پورا کرتے ہوئے وزیر اعلیٰ فری سولر پینل سکیم کا آغاز کر دیا ہے۔ 10 ارب روپے کی لاگت سے ایک لاکھ گھروں کو مفت سولر پینل ملیں گے۔ ایک ہی بجلی میٹر پر اوسطاً 200یونٹ تک بجلی استعمال کرنے والے گھروں کو سولر سسٹم مل سکیں گے۔ پنجاب میں 550 اور 1100واٹس کے ایک لاکھ سولر پینل سسٹم دئیے جائیں گے۔ جون2024ء میں 200 یونٹس تک کے صارفین کوسولر سسٹم بذریعہ قرعہ اندازی ملیں گے۔ کامیاب صارفین کے گھروں میں سولر پینل سسٹم باقاعدہ نصب کئے جائیں گے۔وزیراعلیٰ مریم نوازشریف نے کہا ہے کہ سولر پینل کی فراہمی سے عوام کو بجلی کے بلوں میں خاطرخواہ ریلیف ملے گا۔ پنجاب کو قابل تجدید انرجی کا ہب بنائیں گے۔ زرعی ٹیوب ویل بھی بتدریج سولر انرجی پر منتقل کیے جائیں گے۔ طلبہ کو ایک لاکھ ای بائیک دینے اور ای بسیں آنے سے روایتی ٹرانسپورٹ کلچر تبدیل ہوگا۔