خانہ کعبہ کی حدود حطیم میں نوافل کی ادائیگی کے لیے اوقات جاری کردیے گئے۔

مکہ مکرمہ ( ویب ڈییسک) خانہ کعبہ کی حدود حطیم میں نوافل کی ادائیگی کے لیے اوقات جاری کردیے گئے۔ تفصیلات کے مطابق حجر اسماعیل یا حطیم میں مردحضرات کے لیے نوافل ادا کرنے کے اوقات صبح 8 سے 11 بجےتک ہوں گے جبکہ خواتین رات 8 سے رات 2 بجے تک نوافل ادا کرسکتی ہیں۔ انتظامیہ کا کہنا ہے کہ داخلہ مغربی دروازے سے ہوگا اور حطیم میں رکنےکا دورانیہ 10 منٹ ہوگا۔ حطیم میں نفل ادائیگی کے اوقات مقرر کرنے کا مقصد رش کنٹرول کرنا ہے۔ واضح رہے کہ حجرِ اسماعیل یا حطیم بیت اللہ کا ایک حصہ ہے۔ کئی احادیث سے اس بات کی تصدیق ہوتی ہےکہ اس کے احاطے کے اندر نماز پڑھنا فضیلت میں خانہ کعبہ کے اندر نماز پڑھنے جیسا ہے