پنجاب کے ضلعی ہسپتالوں میں آؤٹ سورسنگ ماڈل پر ایم آر آئی سروسز فراہم کرنے کا پراجیکٹ شروع۔ شیخوپورہ اور بہاولنگر میں ایم آر آئی سکیننگ سروسز کاجلد آغاز ہو رہا ہے۔ ترجمان وزیراعلی پنجاب

آؤٹ سورسنگ ماڈل کے تحت مختلف اضلاع میں ایم آر آئی کی معیاری سہولت مہیا ہو گی۔ ایم آر آئی سروسز کی فراہمی سے پیچیدہ امراض کی جلد تشخیص ممکن ہوگی۔وزیر اعلیٰ پنجاب مریم نواز شریف

لاہور (ویب ڈیسک) پنجاب کے ضلعی ہسپتالوں میں آؤٹ سورسنگ ماڈل پر ایم آر آئی سروسز فراہم کرنے کا پراجیکٹ شروع۔ شیخوپورہ اور بہاولنگر میں ایم آر آئی سکیننگ سروسز کاجلد آغاز ہو رہا ہے۔ ترجمان وزیراعلی پنجاب۔ تفصیلات کے مطابق پنجاب حکومت نے پنجاب کے ضلعی ہسپتالوں میں پبلک پرائیویٹ پارٹنرشپ ماڈل کے تحت ایم آر آئی سروسز شروع کرنے کا فیصلہ کیا ہے۔ منتخب اضلاع میں سروس ڈلیوری بہتر بنانے کے لئے آؤٹ سورسنگ ایم آر آئی سروسز متعارف کرائی جائیں گی۔ شیخوپورہ اور بہاولنگر میں ایم آر آئی سکیننگ سروسز کیلئے ایم او یو پر دستخط ہو چکے ہیں۔ شیخوپورہ اور بہاولنگر میں ایم آر آئی سکیننگ سروسز پر 39کروڑ 92لاکھ روپے لاگت آئے گی۔ شیخوپورہ کے ڈسٹرکٹ ہیڈ کوارٹر ہسپتال میں ایم آر آئی کی انسٹالیشن مکمل ہو چکی ہے جبکہ بہاولنگر کے ڈسٹرکٹ ہیڈ کوارٹر ہسپتال میں ایم آر آئی مشین جلد نصب کر دی جائے گی۔ وزیر اعلیٰ پنجاب مریم نواز شریف کا کہنا ہے کہ آؤٹ سورسنگ ماڈل کے تحت مختلف اضلاع میں ایم آر آئی کی معیاری سہولت مہیا ہو گی۔ ایم آر آئی سروسز کی فراہمی سے پیچیدہ امراض کی جلد تشخیص ممکن ہوگی۔