پنجاب حکومت کی جانب سے ذیابیطس کے پیدائشی مریض بچوں کے لئے مفت انسولین کی فراہمی کا پراجیکٹ منظور

لاہور (ویب ڈیسک) پنجاب حکومت کی جانب سے ذیابیطس کے پیدائشی مریض بچوں کے لئے مفت انسولین کی فراہمی کا پراجیکٹ۔ ٹاپ ون ڈایابیٹک بچوں کو انسولین ان کے گھر پر ہی پہنچائی جائے گی۔ تفصیلات کے مطابق پاکستان کی تاریخ میں پہلی مرتبہ ذیابیطس /شوگر کے پیدائشی مریض بچوں کے لئے مفت انسولین کی فراہمی کا پراجیکٹ منظور کیا گیا ہے۔ وزیراعلی پنجاب مریم نوازشریف کی ہدایت پر ٹاپ ون ڈایابیٹک بچوں کو انسولین ان کے گھر پر ہی پہنچائی جائے گی۔ چیف منسٹر مریم نوازشریف پروگرام کے تحت ٹاپ ون ڈایابیٹک بچوں کے رجسٹریشن کا آغاز کر دیا گیا ہے۔ ٹاپ ون ڈایابیٹک بچوں کےلئے گھر بیٹھے چیف منسٹر مریم نوازانسولین پروگرام میں رجسٹریشن کی سہولت دی گئی ہے۔ چیف منسٹر مریم نواز انسولین کے لئے خصوصی ہیلپ 1033بھی قائم کر دی گئی ہے۔ ٹاپ ون ڈایابیٹک بچوں کی مفت انسولین کے لئے تحصیل یا ضلع میں این سی ڈی کلینک پر رابطہ کیا جا سکتا ہے۔ اس پروگرام کے حوالے سے وزیر اعلیٰ پنجاب کا کہنا ہے کہ ننھے بچے پھول کی مانند ہوتے ہیں، مرجھانے نہیں دیں گے۔ میں خود ایک ماں ہوں بچوں کی تکلیف اور بیماری کا شدت سے احساس ہے۔ ٹاپ ون ڈایابیٹک بچوں کو ہسپتال آنے جانے کی کوفت سے بچانے کے لئے گھر بیٹھے انسولین دی جائے گی۔ ٹاپ ون ڈایابیٹک بچوں کو تاحیات انسولین کی ضرورت ہوتی ہے۔ ہم والدین کا بوجھ بٹائیں گے۔ پنجاب بھر میں بچوں کی صحت علاج کے لئے تمام تر میسر وسائل مہیا کریں گے۔