وزیر اعلیٰ کا پنجاب میں چھوٹے کاروبار کے فروغ کیلئے ”کاروبار کارڈ“ سکیم متعارف کرانے کا فیصلہ

درمیانے درجے کے کاروبار کے لئے”چیف منسٹر آسان کاروبار فنانسنگ سکیم“پر اتفاقِ رائے کر لیا گیا۔ بزنس کارڈ سکیم کے تحت ایک سے دس لاکھ روپے تک لون دیا جائے گا۔

لاہور(ویب ڈیسک) وزیر اعلیٰ کا پنجاب میں چھوٹے کاروبار کے فروغ کیلئے ”کاروبار کارڈ“ سکیم متعارف کرانے کا فیصلہ۔
درمیانے درجے کے کاروبار کے لئے”چیف منسٹر آسان کاروبار فنانسنگ سکیم“پر اتفاقِ رائے کر لیا گیا۔ بزنس کارڈ سکیم کے تحت ایک سے دس لاکھ روپے تک لون دیا جائے گا۔ تفصیلات کے مطابق وزیر اعلیٰ پنجاب مریم نواز شریف کے انقلابی معاشی ویژن کو پورا کرنے کے لیے پنجاب حکومت نے پنجاب میں چھوٹے کاروبار کے فروغ کیلئے ”کاروبار کارڈ“ سکیم متعارف کرانے کا فیصلہ کیا ہے۔
میڈیم کاروبار کے لئے”چیف منسٹر آسان کاروبار فنانسنگ سکیم“پر اتفاقِ رائے ہو گیا ہے۔بزنس کارڈ سکیم کے تحت ایک سے دس لاکھ روپے تک لون دیا جائے گا۔ “چیف منسٹر آسان کاروبار فنانسنگ سکیم“ کے تحت تین کروڑ تک قرضے دینے کی تجویز ہے۔ وزیر اعلیٰ مریم نواز شریف نے سمال اور میڈیم لون سکیم کے لئے جامع پلان طلب کر لیا۔ تجارتی سرگرمیوں کے فروغ کے لئے سمال اور میڈیم لون بلاسود قرضے کا اصولی فیصلہ کیا گیا ہے۔ بڑے شہروں میں سمال اور میڈیم انڈسٹری کے لئے الگ زون مختص کرنے پر اتفاق کیا گیا ہے۔ منتخب تجارتی سیکٹرز پر ترجیحی بنیادوں پر قرضے دینے کی تجویز کا بھی جائزہ لیا گیا۔ قرض کی پہلی قسط ملنے کے بعد 3 ماہ کا گریس پریڈ بھی دیا جائے گا۔ “چیف منسٹر آسان کاروبار فنانسنگ سکیم ”کے تحت 5 سال تک قرض ادا کرنا ہوگا. کاروبار کارڈ ریسٹورنٹ سمیت 10 ایریاز میں ادائیگی کے لئے استعمال نہیں ہوسکے گا۔ نوازشریف آئی ٹی سٹی میں آئی ٹی سٹارٹ اپ کے لئے ترجیحا لون مل سکے گا۔ پنجاب میں تجارت اور صنعت کو فروغ دے کر روزگار کے مواقع بڑھائیں گے-مریم نوازشریف