وزیر اعلیٰ پنجاب مریم نوازشریف کے دورے چین کا پہلا روز، بیجنگ میں مصروفیت سے بھر پوردن کا آغاز۔ کاشتکاروں اور زراعت کے فروغ کے لئے تاریخی اقدام

پنجاب میں ایگریکلچر سیکٹر میں روبوٹک مشینری اور ٹولز متعارف کروائیں گے۔ زراعت کے لیے جدید ٹیکنالوجی اپنا کر کاشتکار کو خوشحال بنانا ہمارا عزم ہے۔ وزیر اعلیٰ پنجاب

لاہور (ویب ڈیسک) وزیر اعلیٰ پنجاب مریم نوازشریف کے دورے چین کا پہلا روز، بیجنگ میں مصروفیت سے بھر پوردن کا آغاز۔ کاشتکاروں اور زراعت کے فروغ کے لئے تاریخی اقدام۔ تفصیلات کے مطابق وزیر اعلٰی مریم نواز شریف کی کاوش رنگ لے آئی۔ چینی کمپنی پنجاب میں روبوٹک زرعی آلات مینوفیکچرنگ پلانٹ لگائے گی۔
محمکمہ زراعت حکومت پنجاب اور اے آئی فورس ٹیک کے درمیان ایم او یو پر دستخط کر دئیے گئے ، اس موقع پر وزیر اعلیٰ مریم نواز بھی موجود تھیں۔
وزیر اعلیٰ مریم نوازشریف نے پنجاب میں جدید روبوٹک زرعی مشینری مینوفیکچرنگ کیلئے تعاون کی یقین دہائی کروائی۔
وزیر اعلیٰ پنجاب مریم نوازشریف نے اے آئی فور س ٹیک کے بانی ڈاکٹرہان اور سی ای او سے ملاقات میں جدید زرعی اصلاحات کے بارے میں آگاہ کیا۔ وزیر اعلیٰ مریم نوازشریف نے روبوٹک ٹیکنالوجی سے مزین جدید ترین زرعی آلات کا معائنہ کیا
وزیر اعلیٰ مریم نواز شریف نے روبوٹک مشینری کا خود مشاہدہ کیا۔
وزیر اعلیٰ نے پنجاب میں ایگریکلچر سیکٹر میں روبوٹک مشینری اور ٹولز متعارف کرانے کے عزم کا اظہار کیا۔ انہوں نے کہا کہ پنجاب میں زراعت کے جدید ٹیکنالوجی اپنا کر کاشتکار کو خوشحال بنانا ہمارا عزم ہے۔ وزیر اعلیٰ کی دعوت پر اے آئی فور س ٹیک کا وفد جلد پنجاب کا دورہ کرے گا۔