“اپنی چھت- اپنا گھر” پروگرام کے لئے وزیراعلی پنجاب نے 62 ارب روپے کی منظوری دے دی۔مئی تک 40 ہزار لون دینے کاہدف مقررکر دیا۔

پروگرام کیلئے وزیر اعلیٰ مریم نواز شریف کا لون 15 سے بیس لاکھ کرنے کی تجویز کا جائزہ لینے کا حکم۔ چاہتی ہوں ہر بے گھر کے پاس اپنی چھت ہو،اپنا گھر ہر شہری کا بنیادی حق ہے:وزیراعلی مریم نواز شریف

لاہور(ویب ڈیسک) وزیر اعلیٰ پنجاب مریم نواز شریف نے اپنی چھت، اپنا گھر پروگرام کے لئے62 ارب روپے کی منظوری دے دی ہے-وزیر اعلیٰ مریم نوازشریف نے مئی تک 40ہزار لون دینے کاہدف مقررکر دیا-وزیر اعلیٰ مریم نوازشریف نے اپنی چھت،اپنا گھر پروگرام کے لون دینے کا عمل جلد از جلد مکمل کرنے کی ہدایت کی-وزیر اعلیٰ مریم نواز شریف نے لون 15 سے بیس لاکھ کرنے کی تجویز کا جائزہ لینے کا حکم دیاہے-وزیر اعلیٰ مریم نوازشریف کی زیر صدارت خصوصی اجلاس میں، اپنی چھت، اپنا گھر پروگرام سے متعلق اہم فیصلے کئے گئے-وزیراعلی مریم نوازشریف نے کہاکہ چاہتی ہوں ہر بے گھر کے پاس اپنی چھت ہو۔ اپنا گھر ہر شہری کا بنیادی حق ہے۔ بریفنگ کے دوران اجلاس کو بتایا گیا کہ پنجاب بھر میں تقریباًپانچ ہزار شہری اپنی چھت،اپنا گھر پروگرام کے تحت لون لے چکے ہیں۔اپنی چھت، اپنا گھر پروگرام کے تحت 4200سے زائدمکان تیزی سے تکمیل کی طرف گامزن ہے-یہ امر قابل ذکر ہے کہ روڈااورہاؤسنگ اینڈاربن ڈویلپمنٹ کے اشتراک سے نادار خاندانوں کو بھی بنے بنائے گھر دیئے جا رہے ہیں۔