ڈاکوؤں کی پولیس وین پر فائرنگ، گرفتار ڈاکو اپنے ہی ساتھیوں کی فائرنگ سے زخمی

حملہ آور ملزمان رات کی تاریکی فائدہ اٹھاتے ہوئے فرار ہونے میں کامیاب ہو گئے پولیس نے حملہ آور ملزمان کی گرفتاری کیلئے ٹیمیں تشکیل

دیپالپور(نیوز ڈیسک) تھانہ سٹی کے علاقہ پھٹیاں والا پل کے قریب مبینہ پولیس مقابلہ
زیر حراست 1 ڈاکو اپنے ہی ساتھیوں کی فائرنگ سے زخمی، 2 ڈاکو فرار ہونے میں کامیاب ہو گئے۔ زخمی ڈاکو نے تھانہ سٹی کے علاقہ عیسیٰ لنگاہ میں دوران واردات معصوم شہری کو فائر مار کر زخمی کردیا تھا۔ پولیس زیر حراست ڈاکو کو مقدمہ نمبر 55/25 بجرم 394 میں اسکی نشاندھی پر ریڈ کے لیے مکان پر لے کر جا رہی تھی 2 ملزمان اپنے ساتھی کو پولیس حراست سے چھڑانے کی نیت سے حملہ آور ہو گئے۔ حملہ آور ملزمان پولیس وین پر مسلسل فائرنگ کرتے رہے۔ پولیس نے بھی حق حفاظت خود اختیاری کے تحت جوابی فائرنگ کی، ملزمان کی طرف سے فائرنگ رکی تو زیر حراست ڈاکو زخمی حالت میں پڑا ہؤا تھا۔ حملہ آور ملزمان رات کی تاریکی کا فائدہ اٹھاتے ہوئے فرار ہونے میں کامیاب ہو گئے۔ پولیس نے حملہ آور ملزمان کی گرفتاری کیلئے ٹیمیں تشکیل دے دی ہیں۔گرفتار ڈاکو کو برائے علاج معالجہ ٹی ایچ کیو ہسپتال دیپالپور منتقل کر دیا گیا ہے۔