اینٹی کرپشن خیبرپختونخوا کی کاروائی۔ ٹی ایم اے “اوگی” کے ترقیاتی منصوبوں میں بے ضابطگیوں پر سب انجنئیر گرفتار۔ ایف آئی آر درج کر لی گئی

باقی افسران کی گرفتاریوں کی اجازت کے لیے چیف سیکرٹری خیبرپختونخوا کو خط لکھ دیا گیا ہے۔ چیف سیکرٹری خیبرپختونخوا کی جانب سے اجازت ملتے ہی گرفتاریاں عمل میں لائی جائیں گی۔

پشاور (ویب ڈیسک) اینٹی کرپشن خیبرپختونخوا کی کاروائی۔ ٹی ایم اے “اوگی” کے ترقیاتی منصوبوں میں بے ضابطگیوں پر سب انجنئیر گرفتار۔ ایف آئی آر درج کر لی گئی۔ تفصیلات کے مطابق اینٹی کرپشن خیبرپختونخوا کو تحصیل میونسپل ایڈمنسٹریشن اؤگی ضلع مانسہرہ سے متعلق کرپشن ، اختیارات اور سرکاری فنڈز کے غلط استعمال کے متعلق شکایت موصول ہوئی۔ اینٹی کرپشن خیبرپختونخوا کی شکایت پر انکوائری کے دوران سرکاری خزانے کو دو ملین روپے نقصان پہنچانے کا انکشاف ہوا۔ اینٹی کرپشن خیبرپختونخوا نے سرکاری اسکیم میں کرپشن ، اختیارات اور سرکاری خزانے کو نقصان پہنچانے پر سابق ٹی ایم او سید آفتاب اسلام شاہ ، گوہر اسحاق ،اسد جمال اور محمد رفیق کے خلاف ایف آئی آر درج کر کے سب انجنئیر اسد جمال کو گرفتار کرلیا جبکہ باقی افسران کی گرفتاریوں کی اجازت کے لیے چیف سیکرٹری خیبرپختونخوا کو خط لکھ دیا گیا ہے۔ چیف سیکرٹری خیبرپختونخوا کی جانب سے اجازت ملتے ہی گرفتاریاں عمل میں لائی جائیں گی۔