کسانوں کے لیے نئے سال کی بڑی خوشخبری۔ وزیر اعلیٰ پنجاب سولرائزیشن برائے زرعی ٹیوب ویل کا آغاز کر دیا گیا۔

کسان سے کیا ہر وعدہ پوراکریں گے۔ ترقی کے سفر میں کاشتکار پوری طرح شریک ہوں گے۔ زرعی ٹیوب ویل کی سولرائزیشن سے بجلی کے بھاری بلوں سے نجات ملے گی۔ مسلم لیگ (ن) کی حکومت جب بھی آتی ہے کاشتکار خوشحال ہوتاہے۔ وزیراعلی پنجاب مریم نواز شریف

لاہور (ویب ڈیسک) نئے سال کی خوشخبری، وزیر اعلیٰ پنجاب سولرائزیشن برائے زرعی ٹیوب ویل کاآغاز کردیا گیا-وزیراعلی مریم نواز شریف کی ہدایت پر زرعی ٹیوب ویل کی سولرائزیشن کے لئے درخواست جمع کروانے کی تاریخ میں توسیع کر دی گئی ہے- پنجاب میں 8 ہزار زرعی ٹیوب ویل شمسی توانائی پر منتقل کئے جائیں گے۔ حکومت پنجاب زرعی ٹیوب ویل کی سولر ائزیشن کے لئے 9 ارب روپے کی سبسڈی دے گی۔ 10 کلو واٹ تک 5 لاکھ، 15 کلو واٹ تک ساڑھے 7 لاکھ اور 20 کلو واٹ تک زرعی ٹیو ب ویل کی سولر ائزیشن کے لئے 10 لاکھ روپے سبسڈی دی جائے گی۔ کم ازکم ایک ایکڑ زرعی اراضی کے مالکان ٹیوب ویل سولرائزشن کے لئے اپلائی کرسکتے ہیں۔ کاشتکار گھر بیٹھے آن لائن ٹیوب ویل سولرائزیشن کے لئے اپلائی کرسکتے ہیں۔ وزیراعلی مریم نوازشریف نے کہا ہے کہ کسان سے کیا ہر وعدہ پورا کریں گے۔ ترقی کے سفر میں پنجاب کے کاشتکار پوری طرح شریک ہوں گے۔ زرعی ٹیوب ویل کی سولرائزیشن سے بجلی کے بھاری بلوں سے نجات ملے گی۔ وزیراعلی مریم نوازشریف نے کہا کہ مسلم لیگ (ن) کی حکومت جب بھی آتی ہے کاشتکار خوشحال ہوتاہے۔