ہیلتھ کونسل کا بجٹ ایمانداری اور شفافیت سے خرچ کیا جائے۔ ڈپٹی کمشنر بہاولنگر

بہاولنگر ( بیورو رپورٹ) ہیلتھ کونسل کا بجٹ ایمانداری اور شفافیت سے خرچ کیا جائے۔ ڈپٹی کمشنر بہاولنگر ۔ تفصیلات کے مطابق ڈپٹی کمشنر ذوالفقار احمد بھون کی زیر صدارت ڈسٹرکٹ ہیلتھ کونسل کا اجلاس منعقد ہوا۔ اجلاس میں سی ای او ہیلتھ بہاول نگر، ایم ایس ڈی ایچ کیو ڈاکٹر ،ڈسٹرکٹ ہیلتھ آفیسرز سمیت دیگر ممبران نے شرکت کی۔ ڈپٹی کمشنر ذوالفقار احمد بھون کا کہنا تھا کہ ڈسٹرکٹ ہیلتھ کونسل کے اجلاس کا بنیادی مقصد ڈی ایچ کیو ہسپتال میں عوام الناس کو بہترین اور معیاری طبی سہولیات کی فراہمی اور دیگر مسائل کو حل کرنا ہے۔ ان کا کہنا تھا کہ ڈسٹرکٹ ہیلتھ کونسل کے بجٹ کو پوری ایمانداری اور شفافیت سے خرچ کیا جائے۔